Ibandla leMDC-T selixotshe uMnu Matson Hlalo, olilunga ledale leSenate owakoBulawayo limethesa icala lokungahloniphi inkokheli yalo, ukuxabanisa abantu lokuhambisa indaba zebandla emthethwandaba.
Lelibandla lithi lizame ukukhulumisana loHlalo ngodaba lokuthi esuse amacala awahambisa emthethwandaba ahluzwe libandla, kodwa wayala.
Ukuxotshwa kukaHlalo kuza ngesikhathi ukulwisana phakathi kweeMDC-T kuqhubeka koBulawayo.
Iziphathamandla zithi idale leNational Council labiza uHlalo ukuthi azezivikela kumacala awetheswayo kodwa wayala.
"Ngilusizi kakhulu ukuthi ubaba uHlalo sexotshiwe, kodwa bekungekho okunye ebesingakwenza ngoba ubiziwe ukuzezivikela wayala," kutsho isikhulumeli seMDC-T koBulawayo uMnu Felix Mafa.
Kodwa uHlalo uthi kayi ndawo njalo uthi uzathatha amanyathelo phezu kodaba lolu.
