amalinks wokungena

Oxotshwe esikhundleni sokuba ngomunye wabasekeli bakaMongameli Mugabe ngoMvulo, uMnu Emmerson Mnangagwa sexotshiwe njalo kubandla leZanu PF.

Isinqumo lesi sithethwe lidale leZanu PF elimqoka elePolitburo emhlanganweni eliwenze ngoLwesithathu, kubike isikhulumeli salelibandla, uMnu Simon Khaya Moyo.

UMoyo wengeze wathi abasekeli bakaMnangagwa abetheswa icala lokusebenzelana laye emizameni yokugenqula uMongameli Mugabe embusweni, bazamiswa phambi kwekomidi ezathonisisa amacala abo.

Abantu laba bagoqela uMnu Joram Gumbo, uMnu Josiah Hungwe, uNkosikazi Opah Mchinguri, uMnu Kembo Mohadi labanye.

UMugabe uxotshe uMnangagwa emethesa icala lokumhlamukela lokuzama ukuvukela umbuso wakhe.

Yena uMnangagwa ubalekele kweleSouth Africa lapho esithi wesabela impilo yakhe leyemuli yakhe ngemva kokwethuselwa ngabantu athi bake bazama ukumbulala ngokumfakela itshefu ekudleni.

Facebook Forum

XS
SM
MD
LG