amalinks wokungena

Breaking News

Useyinkosi yamaNdebele uZwide kaLanga Khumalo


UMnu Peter Zwide kaLanga Khumalo (osesandleni sokhohlo) osebizwa ngoKing Nyamande Lobengula II

Isizwe sikaMthwakazi sesilenye njalo inkosi - uMnu Peter Zwide kaLanga Khumalo - yena osebizwa ngelokuthi King Nyamande Lobengula II.

UKhumalo wetheswe inkatha emkhosini oqhutshelwe eAmphitheatre koBulawayo ngoMgqibelo njalo ongenwe ngabantu abalutshwana.

Lokhu kuza ngesikhathi kulokulwisana okukhulu endlini yakoKhumalo kubangwa ubukhosi.

UMnu Zwide kaLanga Khumalo uba yinkosi yamaNdebele yesithathu nanku amanye amacele abanga umbuso ekhethe uMnu Raphael Khumalo loMnu Bulelani Khumalo.

UMnu Peter Zwide kaLanga Khumalo osebizwa ngoKing Nyamande Lobengula II
UMnu Peter Zwide kaLanga Khumalo osebizwa ngoKing Nyamande Lobengula II

Ekhuluma ngemva kokwethulwa kwakhe emphakathini, uKhumalo uthe uzimisele ukusebenzelana ndawonye lohulumende kanye labantu bonke eNkabazwe leMaNdebeleni.

Uthe njalo uzazama ukulungisisa izikhalazo zabantu besiNdebeleni bona athi baphila nzima eZimbabwe.

Wengeze wathi sesifikile isikhathi sokuvuselela ulimi lwesiNdebele kanye lamasiko esintu khona athi kuya kutshabalala.

Elandisa ngembali yobukhosi bamaNdebele, umlobi olodumo uMnu Jonathan Maphenduka, laye obesemkhosini wanamuhla, uthe uMnu Zwide kaLanga Khumalo nguye inkosi yakoMthwakazi eqotho ngoba uvela endlini kaNyamande.

“Umbuso usendlini kaNyamande, awukho endlini kaNjube ngoba endlini kaNyamande akuzalwanga amantombazana wodwa,” kutsho uMnu Maphenduka.

UMnu Morris Dongizwe Gumede osuka eMzilikazi Cultural Association kweleSouth Africa yena ukhuthaze uMthwakazi ukuthi evuselele amasiko akhe ngoba isizwe yisizwe ngamasiko aso.

“Asiyisekelieni ngokugcweleyo lento eqaliweyo ukuze sibe yisizwe esizohlonipheka,” kutsho uMnu Gumede.

Abanye bathi lanxa kuqakathekile ukuthi kuvuselelwe ubukhosi bamaNdebele, ukulwisana kwabakoKhumalo osokudale ukuthi kube lenkosi ezintathu yinto elihlazo, edanisayo njalo.

please wait

No media source currently available

0:00 0:02:37 0:00

Facebook Forum

XS
SM
MD
LG