amalinks wokungena

Breaking News

Usibalukhulu Webhanga Le RBZ Umnu. Gono Usezisola Ngokudinda Imali Ye Zimbabwe


Usibalukhulu webhanga lesizwe le Reserve Bank of Zimbabwe uMnu. Gideon Gono uthi usezisola ukuthi wayedindelani amadola eZimbabwe kusukela ngomnyaka ka 2003 kwaze kwayafika kumnyaka ka 2008 okwenza ukuthi umnotho welizwe ubhidlike.

Umnu. Gono utshele umhlangano wokuxoxisana ngomnotho we Zimbabwe izolo obuqoqwe liphephandaba le Zimbabwe Independent eHarare ukuthi akumelanga amanye amazwe adinde imali ngoba kuyabulala umnotho lemali yelizwe.

Uthe loba nje ele Zimbabwe lifuna imali yalo kulokusebenzisa imali yemazweni, akwenzakali ukuthi lingadinda imali ye Zimbabwe okwamanje umnotho ungakavuselelwa.

Umsekeli kanobhala jikelele we Zimbabwe Congress of Trade Unions uMnu. Japhet Moyo uthi okukhulunywa nguMnu. Gono akusoze kwaletha imsebenzi eyaqedwa yizenzo zakhe zokudinda imali ye Zimbabwe ibandla le ZANU PF lisabusa lodwa.

Ingcwethi kwezenotho uMnu. Walter Nsununguli Mbongolwane uthi uMnu. Gono kumele athonisiswe icala lokubhidliza inotho yelizwe.

XS
SM
MD
LG