Usibalukhulu weReserve Bank of Zimbabwe (RBZ) uzakwethula umbiko wakhe oqakathekileyo ophathelane lokusetshenziswa kwemali kanye lesimo somnotho, iMonetary Policy Statement, ngoLwesithathu.
UMnu John Mangudya ukhangelelwe ukuphatha udaba lokuthi eleZimbabwe lizaqhubeka lisebenzisa imali yeMelika leyohlobo lwama-bond na.
Inengi lithi uMangudya kumele aphathe njalo udaba lokusilela kwemali emabhanga etsho lokuthi kulamanyathelo yini asethethwe nguhulumende ukulungisisa loludaba.
Ezinye ingcwethi kwezenotho zithi ngokuya kwesikhathi kumele eleZimbabwe lethule imali entsha litshiyane lokusebenzisa idollar leMelika.
Omunye walezingcwethi nguMnu Rejoice Ngwenya yena otshele lumsakazo ukuthi akulalutho olutsha kumbe olumangalisayo alukhangeleleyo embikweni kaMangudya.
