Abezempilakahle eMelika bathi umkhakha weCovid-19 omutsha, oweOmicron usufikile kulelilizwe kulandela ukutholakala komuntu wakuqala olawo izolo esabelweni seCarlifornia.
Isiphathamandla esikhokhela imizamo yokulwisana lalumkhuhlane uMnu Anthony Faucci utshele intathelizindaba ukuthi umuntu lo uvele kweleSouth Africa mhkala 22 ngenyanga edluleyo wazobonakala ukuthi uleCoronavirus mhlaka 29.
Wengeze wathi lumuntu wahlatshwa amajekiseni womabili eCovid-19 njalo akekho esimeni esibi.
Ekhuluma phezu kwalumkhakha kuthange, uMongameli Joe Biden uthe kasoze avale ilizwe lanxa ungaze utholakale.
Uphinde wakhuthaza abangakahlatshwa ukuthi behlatshwe kanti lalabo asebahlatshwa uthe kumele bahlatshwe ijekiseni yesithathu.
Inhlanganiso yeWorld Health Organization ithi umkhakha weOmicron lo usufinyelele emazweni angamatshumi amabili lane, 24, agoqela yona iMelika, iBhilithani, France, Botswana, South Africa, Australia, Netherlands, Germany lamanye.
Osebenza kwezempilakahle eMelika uNkosazana Brenda Moyo utshele iStudio 7 ukuthi okungcono yikuthi ukubafakzi obukhona okwamanje bukhomba ukuthi ababanjwa ngumkhakha lo abaguli kakhulu.
Kusenjalo, umfundi ongumfanyana oleminyaka elitshumi lanhlanu, 15, odubule wabulala abafundi abane kwesinye isikolo eMichigan umiswe enkantolo izolo esetheswa amacala okubulala. Umsolwa nguEthan Crumbley, yena obikwa wasebenzisa umbhobho kayise.