amalinks wokungena

Breaking News

Uthi Akapheli Mandla Umqeqetshi weBosso Ngokudliwa yiDeMbare


Mandla Mpofu umqeqetshi weHighlanders

Umqeqetshi weqembu lomdlalo wenguqu ele Highlanders uMandla Mpofu uthi kungabe kungabahambelanga kuhle emdlalweni wenkezo ye Independence Trophy kodwa indlela abafana bakhe abadlale ngayo imupha isibindi esokuba iqembu leli lizaqhuba kuhle lonyaka.

UMpofu uthi ukhuthazwe yindlela iqembu lakhe elidlale ngayo ngemva kokuzilolonga okwensuku ezingengaki phezu kwalokho lilabadlali abambalwa abatsha.

“Sonke sikhathi nxa sidlala leqembu le Dynamos umdlalo wakhona uyabe ungekho lula kodwa ngijabuliswe yindlela ebesisenelisa ukugcina ngayo ibhola silipaselana.

Siphakathi kokulungiselela imidlalo yalonyaka njalo sizakhuphula izinga kuliviki ezayo lapho esizagxila ezintweni ezibalisa indlela esifuna ukudlala ngayo njengeqembu.

Ngalokhu engikubone emdlalweni wethu leqembu le Dynamos ngiyakholwa ukuba bazathi nxa sebeqinile abafana laba batshaye eziwayo,” kutsho uMpofu.

Iqembu le Dynamos yilo eliphakamise inkezo ye Independence ngemva kokunqoba ele Highlanders nge 2 ka nya kodwa umqeqetshi walo uTonderai Ndiraya uvumelane loMpofu ukuba iqembu le Highlanders lidlale kuhle kakhulu.

“Ubuchaza umdlalo njalo womabili amaqembu adlale ngendlela ethokozise izibukeli. Ngombono wami iqembu le Highlanders lidlale kuhle kakhulu imini yonke kodwa umehluko kube yikuthi thina sibe lethamsanqa elokuhlohla kabili,” kutsho uNdiraya.

Impumela yomdlalo wenkezo ye Independence itshiye iqembu le Dynamos seliyiphakamise kathoba munwe munye linkezo kuthi ele Highlanders liyiphakamise kathoba minwe mbili.

Umdlalo lo ubungowakuqala selokhu uhulumende ephe imvumo eyokuba kuqhutshwe ezemidlalo elizweni.

Ezemidlalo bezimiswe nyakenye kuyindlela eyokuvikela uzulu emkhuhlaneni we Covid – 19.

Imidlalo ye Premier Soccer League ihlelwe ukuba iqale ngenyanga kaNkwenkwezi.

Ezemidlalo siziphiwa nguJoseph Njanji
please wait

No media source currently available

0:00 0:01:35 0:00

Facebook Forum

XS
SM
MD
LG