WASHINGTON —
Uzulu uthi ukhathazekile ngempumela yanyakenye ye“O” Level ngoba kupase abantwana abayisilinganiso sokungamatshumi amabili lasikhombisa kuphela ekhulwini, 27 percent.
Lanxa inani leli liqansile nxa kuqathaniswa leminyakeni esanda kwedlula, abazali lababalisi bathi uhulumende kumele asebenze gadalala ukuze abantwana bapase ngobunengi.
Abafundi be'A' Level bona benze kuhle kakhulu njalo kupase abayisilinganiso sokungamatshumi ayisitshiyagalombili lasikhombisa ekhulwini, 87 percent.
Umkhokheli wenhlanganiso yeRural Communities Empowerment Trust uMnu. Vumani Ndlovu uthi uhulumende kumele alungisise okuhluphayo kwezemfundo.
