amalinks wokungena

Breaking News

Isithunywa Somthethwandba Sithatha Impahla kaMnu. Morgan Tsvangirai


Umuzi kaMnu. Morgan Tsvangirai

Isithunywa somthethwandba sithethe impahla kamongameli webandla leMDC-T umnumzana Morgan Tsvangirai, lemota ezintathu zebandla lakhe ngoLwesihlanu, phezu kodaba olwethulwa ngababesebenzela lelibandla abathi kabaphiwanga imfanelo zabo.

Iziphathamandla zomthethwandaba zikhatshwe ngamapholisa kade ehlome ngemibhobho zibikwa zibulele igedi lendlu kaTsvangirai zangena zathatha impahla ebalisa amatabula lezitulo ngemva kokuthatha imota zebandla.

Isikhulumeli sebandla leli, uMnu. Obert Gutu utshele iStudio Seven ukuthi bahle bagijima baya emthethwandaba ukuyacela ukuthi ubavikele ukuthathelwa enye njalo impahla ngoba loludaba lokhu lusathethwa.

Lesi sehlakalo sibangelwe yikwethula emthethwandaba okwenziwa yizisebenzi zebandla leMDC-T ezilitshumi lantathu ezasuka zingaphiwanga imali yempentsheni.

Umsekeli wesikhulumeli sebandla leMDC-T, uNkosazana Thabitha Khumalo utshele uChris Gande weStudio Seven ukuthi lesi sehlakalo sijonge ukuyangisa uMnu. Tsvangirai.

please wait

No media source currently available

0:00 0:01:50 0:00
Lapho esitholakala khona

XS
SM
MD
LG