amalinks wokungena

UVictor Wethula Indlikizane Yedlalade

  • Bennedict Nhlapho

UVictor Nyathi odabuka eBinga useyethule indlikizane yedlalade elilengoma zesiTonga.

UVictor Nyathi odabuka eBinga useyethule indlikizane yedlalade elilengoma zesiTonga.

UNyathi uthi lolu luluju olungaxutshaniswanga nanhlaka okungokwakuqala ukuthi lutholakale emoyeni.

“Bantu bakithi abaseMalilangombe sililethela umculo nanku. Idlalade lethu elibizwa ngokuthi Malilangombe liphumile. Liyikholise ngekhisimusi.”

UNyathi uphinde wachaza ukuthi lapho ebuya khona komile akulazulu. “Ugwadulenje olungakithi ngale lapho inkomo ezikhala khona zifuna amanzi. Kulila it means ukukhala ‘ngombe’ zinkomo.”

Wahlanganisa irumba waphinda wahlanganisa le jazz ngesiTonga okungazake kwenzakale. Wakuqoqa konke ngendaba yombiko okhona ngokujula kwayo eyibiza yiMalilangombe ‘beat’.

Kulelidlalade elilengoma eziyisitshiyagalombili ikhona ethi Dingo, okuyindatshana yenja yeganga elisela labantwana.

UNyathi uthi lo ngumdumo omutsha okumthethe umnyaka lezinyanga ukuwupheka.

UNyathi uphinde wathi, “Iyabazwa lapha mnumnzana iMalilangombe beat iyabazwa and isazokhula ngoba ingoma zinengi ezeMalilangombe.”

Ufuna labantwana besikolo bafunde ulimi lwethu.

“Njengoba lo kungumdumo omutsha ithemba ngelokuthi ngizakwemukelwa ngezandla zombili, kube yiyo ekhala kuze kuse ngeKhisimusi yalonyaka.”

Ekhulumisana labesiTongeni lamaNambya, uNyathi uthe bazahamba betshaya ingoma njengoba uChristopher Shongo owayetshaya ngakhona.

Uthe ikusasa lakhe lizavinjwa yisibhakabhaka kodwa akudinga kakhulu luxhaso ukuze afeze lelo phupho.

“ … Vumelani abantwana bafunde through umculo lo. Thina sizohlala silinikeza umculo lo ukuze abantwana bafunde ngawo kusiyaphambili … Lina abadala libachasisele ukuthi umculo lo utshoni.”

Thintana loVictor Nyathi kuFacebook lawe unandelwe.

XS
SM
MD
LG