amalinks wokungena

Breaking News

Uyaqala Umsebenzi Wokukhetha Amalunga eKomishini yeZMC


Zimbabwe Media Commission
Zimbabwe Media Commission

Umsebenzi wokukhethwa kwabazangena kuKomishini elawula umsebenzi wentathelizindaba eyeZimbabwe Media Commission (ZMC) usungulwwe ngoLwesihlanu.

Ikhomishini ye Zimbabwe Media Commission ngeyinye yamakomishini, abunjwa phansi kwesisekelo sombuso welizwe, ngenjongo yokuqondisa ukuba intathelizindaba zingasebenza njani lokuphiwa kwazo imvumo yokusebenza zikhululekile.

Bebefika itshumi lasificaminwembili (18) ababuye ukuzebuzisiswa, kumainterview enziwe namhlanje ukuba bengenelisa na ukwenza umsebenzi wokuba ngamakhomishina aweZMC besuka kunhlangothi ezitshiyeneyo zempilo.

Iqula le Commission of Standing Rules and Orders (CSRO) elephalamende belibuza abantu laba ukuba bayawuzwisisa na umsebenzi wokulawula ukusebenza kwentathelizindaba okuba ulwazi lwabo lungasiza kanjani ukusebenza kwekhomishini le.

Omunye walabo abakade bebuzisiswa ngusikhwicamfundo Ruby Magosongwe yena ochasise umsebenzi we khomishini le.

“Omunye wemisebenzi wekhomishini le engiwaziyo yikufundisa intathelizindaba. Ukufundiswa kwabo kuyahambelana lezifiso zelizwe. Ukuba ilizwe libabembene, lilokuthula ngendlela intatheli ezisebenza ngayo. Ukuzwa ukuba uzulu loba intatheli zithi ngomsebenzi wazo”

Omunye okade ebuzisiswa ngu Mnu Jasper Maphosa yena ofundisa ekholitshini ye Great Zimbabwe University oveze ukuba uzulu kumele azi umsebenzi we khomishini.

“Singasebenzisa isisekelo sombuso esithi ikhomishini kumele ibone ukuba indimi zelizweni ziyalandelwa kumisakazo yethu. Singabona njalo uku izizalwane ze Zimbabwe ziyakazi na ukuba likhomishini yenza umsebenzi wayo, nxa benganzi abangeke batsho izikhalazo zabo.”

UNkosikazi Miriam Majome yena osebenzela inhlanganiso ezimeleyo eye Veritas, uthe nxa engathola lumsebenzi uzabona ukuba intatheli ziyaphiwa imvumo yokusebenza zikhululekile ikakhulu ngesikhathi se corona virus.

“Intathelizindaba zenza umsebenzi omkhulu ngalesisikhathi ebantwini bonke. Sebesebenzela ebulenjini be internet. Lokhu sokuncede ukuba banike abantu abanengi ulwazi. Lokhu zokunceda kakhulu. Kungaba kuhle nxa bengatholi abantu abanengi ababolwazi ukuze uzulu ale ethola umsebenzi lo.”

Abanye abakade bekuma interview anamhlanje abazakalayo babalisa owake waba ngumsakazi we ZBC uOmphile Marupi, iqwetha uMnu Tanaka Muganyi, osebenzela inhlanganiso ezizimeleyo uMnu Phillip Pasirayi labanye.

Idale lephalamende lizakupha uMongameli Emmerson Mnangagwa amabizo abantu abalitshumi lambili abazakhethwa phakathi kwabalitshumi lasitshiyagalombili abangena kulolu hlelo lokubuzisiswa.

XS
SM
MD
LG