amalinks wokungena

Uzulu Kasavunyelwa Ukuphuma Lemali Phandle Kwelizwe

  • Chris Gande

Zimbabwean Bond Notes

Umanyano wamabhanga owe Bankers’ Association of Zimbabwe uthi uzulu kasavunyelwa ukuphuma lemali yakwamanye amazwe phandle kwelizwe njalo sokuqakathekiswa abathenga bethengisa impahla phandle kwelizwe ngenxa yokusilela kwemali elizweni.

Lokhu kutsho ukuthi sokulukhuni kakhulu ukuthi uzulu mathupha athole imali emabhanga ngenxa yomumo osukhona.

Abalama accounts awemali yakwamanye amazwe labo babikwa bengasatholi imali yabo yakwamanye amazwe.

Owayengumphathintambo wezamafekitali, uMnu. Gorden Moyo, uthi ilizwe selithwele nzima ngokusilela kwemali ngoba kungela macebo okulihlenga.

Ingcwethi ecubungula ezombusazwe, uMnu. Effie Dlela Ncube, uthi udubo yikuthi inkokheli zombusazwe seziphelelwe ngumphako.

Uhulumende uthi uzulu kumele akhuthazwe ukusebenzisa amakhadi lezinye indlela zokuthenga lokuthengisa ezifana lomakhalekhukwini lobulembu be internet.

Kodwa lezindlela azithakazelelwa nguzulu njalo abasemaphandleni vele kazisebenzi.

Isakhamuzi se Lupane, uMnu. Khipha Ngwenya, uthi udubo lokusilela kwemali emaphandleni selufike kusibanga esibi okumangalisayo.

UNcube uthi udubo lokusilela kwemali lukhanya luzaqhubeka kungela sisombululo ngoba abezombusazwe abalaleli ingcwethi zakwamanye amazwe ezingaphathisa ekuvuseleleni umnotho welizwe.

Isisindo semali yohlobo lwama bond notes siqhubeka sisiwa lanxa uhulumende wayethe imali le izabe ilesisindo sedola leMelika.

Facebook Forum

XS
SM
MD
LG