amalinks wokungena

Breaking News

Uzulu Lokhe Edutshulwa Lokulunyiswa Ngezinja eMarange - Human Rights Watch


Inhlanganiso yeHuman Rights Watch ithi abantu makhaza abemba amadayimana eMarange kwele Manicaland bayadutshulwa kanye lokunikelwa ngezinja ngamapholisa lalabo abalinda amankampani atshiyeneyo okutsho ukuthi amadayimana akuleyondawo akumelanga athengiswe.

Inhlanganiso le yethule ugwalo ngolweSibili olutshengisa ukuthi abantu abemba amadayimana eMarange bayatshaywa njalo ngamapholisa labalinda amankampani alitshumi emba amadayimana eMarange.

Ithi uhulumende weZimbabwe kumele ahlolisise udaba lolu loba nje umgcinisihlalo we Kimberley Certification Process uMnu. Matheu Yamba esithi akulabantu abahlukuluzwayo okwenze ukuthi anike amankampani la imvumo yokuthengisa amadayimana.

Amazwe entshonalanga kawavumelani loMnu. Yamba njengoba elokhe esithi abantu makhaza bathwaliswe nzima ngamapholisa, amabutho kanye labalinda amankampani emba amadayimana eManicaland.

Abantu abedlula amatshumi amabili babikwa beke belatshwa ezibhedlela eziduzane le Marange besanda kutshaywa, ukudutshulwa kanye lokulunywa yizinja zamapholisa labalinda amankampani.

Ingcwethi kwezokuthuthukisa inotho kazulu uMnu. Liberty Bhebhe uthi okwenzakala eMarange kumele kuhlolisiswe nguhulumende.

XS
SM
MD
LG