amalinks wokungena

Breaking News

Uzulu Ucatshulwa Yikumenywa Komeli weZimbabwe eBhilithane Emtshadweni kaPrince William


Amaphephandaba eBhilithane lalabo abakhangele ezombusazwe eZimbabwe bathi kuyamangalisa okwenziwe yindlu yesikhosini yendlovukazi yakulelo lizwe yokunxusa uMnu Gabriel Machinga umeli we Zimbabwe eBhilithane emtshadweni wenkosana uPrince William lo Kate Middleton.

Amaphephandaba eBhilithane athi ukunxuswa kuka Machinga owaziwa njengomsekeli omkhulu we ZANU PF elikhokhelwa ngu Mongameli Robert Mugabe kudidanisa ingqondo njalo kuyayangisa.

Abakhononayo bemele inhlanganiso ezizimeleyo zeZimbabwe bathi ukunxuswa kuka Machinga kumele kumiswe yiNdlovukazi uQueen Elizabeth ebambisana lohulumende we Bhilithane kungakenziwa lumtshado ngoLwesihlanu.

Ingcwethi kwezombusazwe uMnu. Admore Tshuma uthi uMnu. Machinga engaya emtshadweni lo kuzazondisa uzulu wonke eZimbabwe.

XS
SM
MD
LG