amalinks wokungena

Breaking News

Uzulu Ukhala Ngokuhlukunyezwa Ngabezomvikela Lapho Kunanzwa iDefense Forces Day


EleZimbabwe linanze usuku oluqakathekisa imisebenzi yabezomvikela, olwe Defence Forces Day ngesikhathi uzulu weZimbabwe esithi kasikho isizatho sokuluhlonipha loluhlangothi ngoba sekukade baphambuka kusisekelo sombuso welizwe esithi kumele balondoloze ukuthula lokuvikela umuntu wonke elizweni jikelele bengeyameli cele.

Okwakuqala lonyaka selokhu ilizwe lathola uzibuse ayizange ibe khona imibuthano yokunanza iDefence Forces Day ngendlela yokulondoloza iziqondiso zokwenqabela ukumemetheka kweCOVID-19 ezabekwa ngabenhlanganiso yomanyano wamazwe womhlaba WHO kanye laye uhulumende.

Emazwini akhe awethule esesigodlweni sakhe ese State House, uMongameli Emmerson Mnangagwa uncome kakhulu abezomvikela ethi kungalesi sizatho uhulumende ekubone kufanele ukuba linanzwe phansi kwendikimba ethi ZDF: Celebrating 40 Years of Excellent Service to the People.

Uqhubeke ethi linanzwa ngesikhathi ilizwe libhekane lenhlupho zokuhlaselwa ngendlela ezikusibanga esiphezulu kusetshenziswa inkundla zokuxhumana ezebulenjini.

“Ekuqhubeni umsebenzi njengalokho okukusisekelo sombuso, abe ZDF baqhubeka besenza umsebenzi omuhle kakhulu selokhu basungulwayo, kungakho bekufanele ukuba banconywe. Siyababonga kakhulu ke abe ZDF ngokuqhubeka kwabo belibutho labantu, okulizinga laphezulu abaqhubeke ngalo yonke le iminyaka.”

Kodwa uzulu labamabandla aphikisayo bathi okwenzakala elizweni kuphambana lenkulumo kaMnangagwa abakubutho sebaba yingxenye yeZanu PF.

Umsekeli wesikhulumeli seMDC Alliance, umnumzana Felix Magalela Mafa Sibanda uthi abezomvikela baqhuba umsebenzi wabo belobandlululo.

“Kodwa uzabona ukuthi amasotsha sekungani yizinja nje okuthiwa sa. Ungathi inja sa, ngitsho lenkomo ngitsho lembuzi iyabamba. Lamhlanje thina sikhumbula amasotsha eZIPRA lawe ZANLA lawo okuthiwa ngama Freedom Fighters, uSmith yena esithi ngaMagandanga, ngamaThororo. ”

Isikhulumeli seZapu, umnumzana Iphithule Maphosa uthi osekusenzakala elizweni ayisikho abantu abakuyela empini ukulwisa ukukhipha uhulumende woncindezelo ngaleso sikhathi.

“Ngoba sinanzelela from 1980 ibutho selisetshenziswa endabeni zokuvikela umbuso weZanu Pf. Even ama appointments ayenziwayo ngo 1980 obukhokheli bebutho, siyanzelela ukuthi kwatshiywa abeZIPRA ababele experience njalo bele training edlula abeZanu. Okwatshengisa sobala ukuthi ibutho selisetshenziswa njengePara-Military yeParty. ”

Lanxa uzulu weZimbabwe ehlaba omkhulu umkhosi ngokuhlukunyezwa nguhulumende owephula amalungelo oluntu esebenzisa abezomvikela ikakhulu khathesi ilizwe libhekane lokuvimba ukumemetheka kweCovid 19, uMongameli Mnangagwa uqhubeka esithi benza umsebenzi oncomekayo.

Iziphathamandla zikahulumende wakhe lazo ziyakusekela lokhu zisithi baqhuba umsebenzi wokulondoloza ukuthula elizweni kanye leziqondiso zeLockdown emizameni yokuvimba ukumemetheka kwegcikwane leli.

Udaba lokunanzwa kwelanga labezomvikela eleDefense Forces Day siluphiwa nguMavis Gama
please wait

No media source currently available

0:00 0:05:21 0:00

Facebook Forum

XS
SM
MD
LG