amalinks wokungena

Breaking News

Uzulu Ukhuza Umhlola ngoChief Zvimba Othi Kumele Kugejwe Amathambo kaMugabe


Burial site of former President Robert Mugabe, who died in Singapore on September 6, 2019.

Uzulu ukhuza umhlola phezu kwesinqumo senkantolo yenduna yakoZvimba esokuthi uNkosikazi Grace Mugabe kumele agebhe amathambo omkakhe uMnu Robert Mugabe ukuze ayebekwa emathuneni amaqhawe elizwe eNational Heroes Acre.

UChief Zvimba unqolonge uNkosikazi Mugabe ngempelasonto enkundleni yakhe ukuthi azethonisiswa ngecala lokungcwaba uMugabe ngendlela engaqondanga emzini wakhe khonale koZvimba.

Khepha uNkosikai Mugabe kahambanga ngoba ubikwa eselatshwa phandle kwelizwe.

Kodwa ukuthethwa kwecala leli kuqhubekele phambili uChief Zvimba wamfumana elecala wasemhlawulisa inkomo ezinhlanu lembuzi ezimbili.

Uthe phezu kwalokho, kumele agebhe amathambo omkakhe aye, okuyinto umzukulu kaMugabe uMnu Leo Mugabe athi abasoze bayivumele.

Imuli kaMugabe ithi uMongameli Emmerson Mnangagwa nguye ofuna uMugabe agejwe ngoba enakanela ukuthi wangcwatshwa lenduku yamasalamusi engamsiza ekubuseni ilizwe.

Kodwa isikhulumeli sikahulumende uMnu Nick Mangwana uyakulandula lokhu.

Ohlaziya ezombusazwe uMnu Mqondobanzi Magonya utshele iStudio 7 ukuthi lihlazo leli elenziwe yinduna yakoZvimbo.

please wait

No media source currently available

0:00 0:03:24 0:00

Facebook Forum

XS
SM
MD
LG