amalinks wokungena

Breaking News

Abanye Bantu Bananza LoMugabe Bananza Usuku lweDefence Forces Day


Kunanzwa usuku lweDefence Forces Day.
Kunanzwa usuku lweDefence Forces Day.

Uzulu weHarare umanyene labanye ilizwe lonke ekunanzeni usuku lokuqakathekisa imisebenzi yabezomvikela olwe Defence Forces Day, lapho uMongameli Robert Mugabe, anikeze khona isicoco senhlonipho ese Royal Order of Munumutapa Award, kumuyi uFather Pascal Slevin, owe Order of the Franciscan Mission (OFM), ukubonga imisebenzi yokuphathisa empini yenkululeko.

Uzulu utshengisele ukuthakazelela uMugabe ngesikhathi engena enkundleni yeNational Sports Stadium lapho aqale khona ngokuhlola abakubutho befolile kiyo, ehamba ngemota yebutho.

Kulez’insuku usengena enkundleni ngemota yakhe ye-Zim One abesengena kuleyo abhodabhoda ngayo hatshi lokho ayekwenza eminyakeni edluleyo esazizwa, lapho ayengena ezihambela esukela esangweni elikhulu aze ayefika lapho okumele ame khona.

UMugabe uchaze umuyi uFr. Slevin njengomuntu owayezinikele ukusebenzisana labensundu, ngaleso sikhathi, ababencindezelwa ngumbuso wabelungu, kwabangela ukuxotshwa kwakhe elizweni, ebuyiselwa kibo e Ireland.

Kodwa abakhulumisane lalomsakazo, okubalisa uMnu. Jeffrey Moyo, bachaze inyathelo lika Mugabe lokunikeza lesi sicoco emuntwini wezokholo, njengendlela yokuzilungiselela uhambo lwakhe lapho esangasawuhambi lumhlaba.

UMoyo uthe kungelani lemisebenzi kamuyi okwenziwe ngumongameli kodwa kuphathelane laye kanye lemhuli yakhe.

Kube lezehlakalo ezimbalwa okubalisa esokwehluleka komunye wabakade bendizele enkundleni le, wehluleka ukwehla kuhle wayawela endaweni ezakhiwe ngesamende okuhlala abantu.

Kusobala ukuba ulimele njengoba ekhitshwe enkundleni ngesiphangiphangi, ethwelwe yimota ethwala abagulayo ebizwa ngokuthi yi-ambulance.

Ngaphambilini kuke kwawa njalo elinye lamasotsha e Airforce, alikade lifolile enkundleni ngesikhathi umongameli Mugabe esethula umbiko wakhe.

Uzulu kakhulukazi abesifazane, babe lokujabula okukhulu lapho omunye wabandize kulenkundla, owesifazane uFlight Sergent Tracey Munodawafa, enze izimanga, wehla kungela dubo.

XS
SM
MD
LG