amalinks wokungena

Breaking News

Uzulu Uthithibele Ngezenzo Zeziphamandla Zikahulumende Ezingabhadali Izikhwelede zeZESA


Uzulu we Zimbabwe lokhe ethithibele ngembiko ethi iziphathamandla zikahulumende zisebenzisa izikhundla zazo ukungabhadali izikwelede zemithelo amandla ka getsi othengiswa yinkampani ye Zimbabwe Electricity Supply Authority (ZESA).

UMnu. Elton Mangoma umphathintambo obona ngezamandla kagetsi utshele idale laphalamende ngoMvulo ukuthi iziphathamandla lezi zilezikwelede ezimangalisayo zezinkulungwane lenkulungwane zamadollar.

Inengi labantu makhaza liyacitshelwa umlilo kagetsi yiZESA nxa zingabhadalanga umthelo kagetsi kanye lowamanzi okukhanya sokuyinhlalayenza emadolobheni.

Kusenjalo, idale lephalamende izolo lethule amagama amalunga ephalamende aseyehlulekile ukuveza ukuthi asebenzisa njani imali yokuthuthukisa izabelo.

Abehluleka ukubhadala bakubandla le Zanu-PF kanye lele Movement for Democratic Change (MDC) elikhokhelwa nguMnu. Morgan Tsvangirai.

Kambe iziphathamandla zikahulumende ezingabhadali imithelo kagetsi lalabo abehluleka ukuveza ukuthi basebenzisa njani imali yezabelo basebenzisa izikhundla zabo ngendlela engalunganga na?

Ukuze sihlaziye loludaba uGibbs Dube weStudio 7 uxoxe loNkosazana Thabitha Khumalo umsekeli wesikhulumeli sebandla le MDC elikhokhelwa nguMnu. Tsvangirai lo Mnu. Roderick Fayayo umqondisi we Bulawayo Progressive Residents Association abathi kumele iziphathamandla lezi zibanjwe ngamandla ukuthi zibhadale izikhwelede zeZESA.

XS
SM
MD
LG