amalinks wokungena

Breaking News

Kwethulwa Okusemthethweni Ibandla leZimbabwe Communist Party


Ibandla lezombusazwe elitsha elizibizwa ngokuthi yi-Zimbabwe Communist Party (ZCP) liphawulwe okusemthethweni eHarare ngoLwesibili.

Inkokheli yalo itshele umhlangano lentathelizindaba ukuba kabasoze bancintisa kukhetho oluzakwenziwa ngomnyaka ozayo ngoba abavumelani lombono oqakathekisa ukususwa kukaMongameli Robert Mugabe lohulumende webandla le Zanu PF embusweni njengalokho okukhankaselwa ngabamanye amabandla aphikisayo.

Unobhala jikelele we ZCP, uMnu. Ngqabutho Nicholas Mabhena, uthe owabo umsebenzi abangawo kusukela manje ngowokumanyanisa uzulu weZimbabwe ukuba axoxisane, ebonisana lokumele kwenziwe ukuthuthukisa ilizwe ngaphansi kwe National Dialogue.

Kungalesi sizatho uMabhena esithi ibandla elakhe lehlukile kwamanye, kunjongo yalo.

Uqhubeke elandisa ukuba kungani, njengebandla le ZCP, bengasoke baphatheka kukhetho luka 2018.

Umkhokheli wenhlanganiso yengcwethi kwezokuphila kwabantu, eye Coalition for Market and Libeliral Solutions (COMALISO), uMnu. Rejoice Ngwenya, upha umbono wakhe, ngokwanda kwamabandla asesungulwa, sekubangwa kukhetho luka 2018.

UNgwenya ethi, okumele kwenziwe kuqala, ukuguqula isimo esikhona, yikususa umongameli Mugabe kuqala.

Kodwa ophethe uhlangothi olubona ngezokuqoqwa kwabantu kulelibandla, umnumzana Trust Mazwi Mkhwananzi, uthi okumele kwenziwe kuqala, yikuvula uzulu amehlo, aboniswe ubuqili obenziwayo hatshi ukuqina ngodaba lokususwa kukamongameli Mugabe kuphela.

Facebook Forum

XS
SM
MD
LG