amalinks wokungena

Breaking News

UZuma Uthi Usaqhoba Amathambo Engqondo Lamagqwetha Phezu Kwesigwebo Sakhe


L'ancien président sud-africain Jacob Zuma se tient sur le banc des accusés après la suspension de son procès pour corruption à la Haute Cour de Pietermaritzburg à Pietermaritzburg, Afrique du Sud, le 26 mai 2021.

Owake waba nguMongameli weleSouth Africa uMnu Jacob Zuma uthi usakhulumisana lamagqwetha akhe ngenyathelo abangalithatha phezu kwesigwebo sokupika okomnyaka olenyanga ezintathu asetheswe yinkantolo yeConstitutional Court kuthange.

Inhlanganiso yeJacob Zuma Foundation yethule umbiko izolo isithi linkantolo yephula isisekelo sombuso ngokufumana uZuma elecala lokuyeyisa kanye lokumethesa lesisigwebo.

Ngokulaya kweConstitutional Court, sokusele insuku ezintathu ukuthi uMnu Zuma azinikele emapholiseni ukuze aqale isigwebo sakhe.

Abasekeli bakhe, ikakhulu abalwa impi yenkululeko bekubutho leUmkhonto weSizwe babikwa bebuthene endaweni ezitshiyeneyo zelizwe ngesikhathi kokulokufuthelana okukhulu.

Amapholisa abikwa evimbe abantu ekade befuna ukuyabuthana emzini wakhe eNkandla, okuvele sokulabanye abasekeli bakhe ababikwa sebehlala khona bemlindile.

Indodana kaZuma, uEdward utshele umsakazo weSABC ukuthi abasoze bavumele amapholisa ethatha uyise esiyamvalela ejele.

Isizalwane seZimbabwe esihlala kweleSouth Africa, uMnu Abel Khumalo utshele iStudio 7 ukuthi uyayisola indlela udaba lukaZuma oluphathwe ngayo.

please wait

No media source currently available

0:00 0:02:37 0:00

Kusenjalo, ibandla elibusayo kweleSouth Africa eleANC selethule umbiko lisola umbuso kaKing Mswati III weleEswatini lisithi kumele ahloniphe amalungelo kazulu njalo atshiyane lokuba nguntandokayiphikiswa.

Lithi umanyano weSADC kumele ungenele kuloludaba umise ukuhlukuluzwa kwabantu nguhulumende waleliolizwe.

Amasotsha lamapholisa abikwa engenela abantu abatshengiselayo bechothoza umbuso kaMswati ebatshaya lokubabopha ezindlini.

Facebook Forum

XS
SM
MD
LG