amalinks wokungena

Breaking News

Kuxotshwa Abathengisa Ezitaladini eHarare


Ikhansili YeHarare ithi wonke umuntu kufanele asebenze elandela imithetho.

Abathengisa impahla etshiyeneyo ezitaladini zeHarare bathi baxotshiwe ngoMvulo njalo bavinjelwa ukuqhuba umsebenzi wabo ngamasotsha, lamapholisa esizwe, emanyene lawekhansili, wona athi asebenza phansi kohlelo lokuqeda ingcezkeza kulelidolobho.

Abanye abaxotshiweyo ngabatshayeli bemitshova abalayitsha abantu ingqe ngaphi kwedolobho, kanye labathengisa imali yakwamanye amazwe ezitaladini, khona okungekho emthethweni.

Amapholisa lamasotsha abememezele izolo ukuthi abantu bayethengisela endaweni abazabelwa yikhansili ezisemthethweni hatshi ukuthengisela enzikini yedolobho.

Kodwa abathengisayo bathi akulungiswe umnotho welizwe kubelemisebenzi, ngoba bazama ukuziphilisa lemuli zabo.

Ukuze sizwe okunengi ngaloludaba, uSithandekile Mhlanga weStudio 7 uxoxe lomunye wamakhansila edolobho leHarare uMnu. Peter Moyo.

UMnu. Moyo uthi kufanele abangakatholi imvumo yokuthengisa bayebhalisa ekhansili ukwenzela ukuthi wonke umuntu asebenze elandela imithetho yekhansili.

Ingxoxo LoKhansila Peter Moyo
please wait

No media source currently available

0:00 0:03:09 0:00


XS
SM
MD
LG