amalinks wokungena

Breaking News

BCC: Silungisela AmaVendors Indawo Zokuthengisela Ngokusemthethweni


Bulawayo Council

Aabanye bazaphiwa indawo zokuthengisela emakhoneni alapho okuhamba khona abantu edolobheni, amapavements.

Idolobho lakoBulawayo lithi selinxuse abathengisa ezitaladini ngokungekho emthethweni ukuthi bebhalise amabizo abo kulikhansili ukwenzela ukuthi bephiwe indawo yokuqhuba lumsebenzi ngokusemthetwheni..

Lokhu kulandela umbiko owethulwe ngumphathintambo wezabelo uMnu. Ignatious Chombo owokuthi abathengisa ezitaladini ngokungekho emthethweni bazaxotshwa ngodlakela ngamasotsha lamapholisi bengekela ukuzisukela.

Inyathelo leli selichothozwe kakhulu ngabathengisayo laba, abalwela amalungelo oluntu, abezombusazwe, kanye lezinye iziphathamandla zikahulumende ngokwakhe.

UKhansila kaWard 1 KoBulawayo uMnu. Mlandu Ncube utshele uSithandekile Mhlanga weStudio 7 ukuthi abanye bazaphiwa indawo zokuthengisela emakhoneni alapho okuhamba khona abantu edolobheni, amapavements.

Ingxoxo LoKhansila Mlandu Ncube
please wait

No media source currently available

0:00 0:02:45 0:00
Lapho esitholakala khona

XS
SM
MD
LG