amalinks wokungena

Breaking News

I-ZEC Yengezelela Amalanga Okubhalisela Ukuvota


Inhlanganiso yeZEC amabandla, aphikisayo, kanye lenhlangnaiso ezizimeleyo bavumelene ukuthi amalanga okubhalisela ukuvota engezelelwe ngamaviki ayisithupha.

Iqula lamalunga edale lephalamende asuka kumabandla ehlukeneyo, kanye lamalunga alamabandla asezabelweni ezilitshumi zelizwe abaphiwa usekelo lwemali yiSwiss Embassy ngemizamo yokuguqula imithetho yokhetho ahlangene izolo esigodlweni lenhlanganiso yeZimbabwe Electoral Commission bavumelana ukuthi amalanga okubhalisela ukuvota engezelelwe ngamaviki ayisithupha.

Ekhuluma loMsakazo weStudio 7 ngoMgqibelo lamhlanje ngemva komhlangano wamabandla ezombangazwe obuhlafuna ukuqhubeka kohlelo lweBVR, uPolitical Liason Officer kubandla leMDC-T, uNkosikazi Nomvula Mnguni uveze ukuthi amalanga ohlelo lokubhalisela ukuvota azakwengezelelwa ngamaviki ayisithupha. Isiqinti esisodwa sizaphiwa amalanga ayisikhombisa.

Elinye ilunga ledale lephalamende uDokotela Ruth Labode uthe lesisinqumo bayasamukela ngezandla zombili njalo bazafinqa amalogwe baphume ngobunengi bayekhankasela ukuthi abantu beMaNdebeleni bayebhalisela ukuvota ngoba inani labantu asebebhalisile liphansi kakhulu uma liqathaniswa lezinye izigaba zelizwe.

UMabhalane wabasakhulayo kubandla leMDC, uMnunzna Discent Bhajila uthe abatsha labadala bayethuselwa njalo kunengi okubi okwenzakalayo okungabenqabela ukuba bayebhalisa ukuvota.

Isikhulumeli sebandla leZAPU, uMnunzna Iphithule Maphosa uthe bayasamukela isinqumo sokwengeza amalanga okubhalisela ukuvota eBVR, ngoba kuzakuba lithuba elihle kuzizalwane Zezimbabwe ezisuka kwamanye amazwe.

Uhlelo lokubhalisa ukuvota belukhangelelwe ukuphela kuviki ezayo NgoLwesibili njalo kwezinye indawo zelizwe ababhalisela ukuvota basebedlule kwasekulandela abathathisa izithupha, obesekubangele ukuthi behluleke ukubhalisa.

Ezigabeni zeMatabeleland, inengi labantu liyehluleka ukuvota ngoba ingwalo zabo zokuzalwa lezithupha kwatshabalala ngesikhathi sombhuqazwe weGukurahundi njalo kunzima ukuthi bazithole lezo ncwadi ukuze benelise ukuvota.

UAnnahstacia Ndlovu Uyalandisa
please wait

No media source currently available

0:00 0:03:16 0:00

Facebook Forum

XS
SM
MD
LG