AmaWarriors Adibana LeChipolopolo EZambia

WASHINGTON —  Abalandeli benguqu kumagumbi amane eZimbabwe sebelindele ngamehlo abomvu impumela yomdlalo we African Nations Championships ozakhetha ingqungquthela phakathi kweqembu lesizwe elama Warriors elizangqikilana le Chipolopolo ye Zambia ngoMgqibelo kulelolizwe.

Iqembu elizanqoba kulumdlalo, ozadlalelwa enkundleni yeLevy Mwanawasa Stadium eNdola, liza finyelela kumidlalo yokucina lonyaka eye African Nations Championships Finals eSouth Africa ekuqaleni komnyaka ozayo.

Ingcwethi kwezemidlalo ye nguqu uOmega Sibanda utshele uSithandekile Mhlanga weStudio 7 ukuthi ingxaki engavimbela ukunqoba kwama Warriors yikuthi umqeqetshi uIan Goriwa untshintsha-ntshintsha abadlali mahlayana.