amalinks wokungena

Breaking News

Wehlukanisa Abasekeli beMDC Alliance Umbono Wokuthi Lelibandla Liguqule Igama


FILE - Opposition leader Nelson Chamisa gestures while addressing a rally of his Movement for Democratic Change (MDC) party in Harare, Zimbabwe, July 11, 2019.

Amalunga ebandla leMDC Alliance ehlukene ngimibono phezu kwekhuthazo yokuthi adinge igama elitsha phambilini kokhetho oluzayo.

Bakhona abawusekelayo lumbono kodwa kube labanye abagoqela umkhokheli webandla uMnu Nelson Chamisa abathi ngitsho lokhu akusoze kwenzeke.

Umkhokheli webandla leMDC-T uMnu Douglas Mwonzora wazisa ukuthi bazasebenzisa ibizo leMDC Alliance kukhetho ngoba esithi yilo elakhethwa ngumuyi uMnu Morgan Tsvangirai eze elobelane isivumelwano lamabandla aphikisayo ayisikhombisa phambilini kokhethi luka2018.

UMwonzora uthi ngenxa yokuthi isivumelwano lesi senziwa nguTsvangirai emele ibandla leMDC-T, kutsho ukuthi igama lokuthi MDC Alliance yilo abalisebenzisayo nxa kuyiwa kukhetho.

Abanye bathi kungabangcono kusetshenziswe ibizo lokuthi MDC Chamisa, okusolwa ngabanye abathi ibandla akumelanga libe lebizo lomkhokheli.

Inkokheli yeMDC Alliance esizame ukukhuluma layo ngaloludaba ithe ayingeke yalokotha ngoba lutshisa phansi laphezulu.

Kodwa ingcwethi kwezombusazwe, uMnu George Mkhwananzi uthi lanxa kunzima ukuthi abanye bavube ukuthi kudingwe igama elitsha, kaboni lokho kungaswelisa lelibandla usekelo.

please wait

No media source currently available

0:00 0:03:14 0:00

Facebook Forum

XS
SM
MD
LG