amalinks wokungena

Breaking News

Wehlukene Uzulu Kudaba Lokuthi Izinduna Zikhokhele Ukugejwa Kwamathambo Ababulawa yiGukurahundi


Zimbabwe Political Turmoil

Uzulu weZimbabwe wehlukene ngemibino phezu kwesimemezelo sikahulumende sokuthi izinduna zeMatabeleland yizo ezizakhokhela uhlelo lokugejwa lokungcwatshwa kutsha kwamathambo abantu ababulawa ngumbhuqazwe weGukurahundi.

Umphathintambo obona ngokwakhiwa kwezabelo uMnu July Moyo utshele intathelizindaba ukuthi lokhu yikho okuvunyelwane phakathi kukaMongameli Emmerson Mnangagwa lezinduna lezi emhlanganweni abawenzele koBulawayo ngoMgqibelo.

Wengeze wathi bakubone kufanele ukuthi izinduna zikhokhele loluhlelo ngoba kuyizo ezazi amasiko lemikhuba yokuphatha umsebenzi onje.

Kodwa abanye bayakusola lokhu besithi uhulumende kumele axolise kuzulu weMidlands leMatabeleland ngokubulawa kwabantu abedlula inkulungwane ezingamatshumi amabili, 20,000, libutho leFifth Brigade njalo ahlawule abantu abaphathwa kubi yilumbhuqazwe.

Owake waba ngukhansila kaWard 16 koDakamela, eNkayi uMnu Jabulani Manqonda utshele umsakazo weStudio 7 ukuthi ufuna labo abenza ubudlova lobu babotshwe kuqala.

please wait

No media source currently available

0:00 0:01:53 0:00

Kodwa bakhona abalusekelayo loluhlelo abathi izinduna yizo kanye ezimele zilukhokhele ngoba kuyizo eziphethe amasiko okungcwatshwa kwabantu ezigabeni. Omunye wabo lilunga leZanu PF uMnu Believe Gaule.

please wait

No media source currently available

0:00 0:01:56 0:00

Facebook Forum

XS
SM
MD
LG