amalinks wokungena

Breaking News

Welshman Ncube: Votani Ngokuhlakanipha


Umnumzana Welshman Ncube

Umkhokheli weMDC uMnu Welshman Ncube uthi ukubhidlika komnotho lokusilela kwemisebenzi kumele kube yisifundo ebantwini ukuthi kumele bavotele ibandla elilamaqhinga okuthuthukisa impilo zabo.

Embikweni awethule ngoLwesine ngaphambilini kwelanga lezisebenzi, uNcube usole ibandla leZanu PF ngokuthembisa uzulu amanga lisithi lizasungula imisebenzi eyizigidi ezimbili ngaphambilini kokhetho luka2013.

Uthi abantu kumele bavuse inkophe nxa bevota bengaze bavotela ibandla elizabalethela indubo ezifana lezikhona kathesi phansi kombuso weZanu PF.

Wengeze wathi kuyadanisa ukuba izigidi lezigidi zabantu zidla imbuya ngothi.

Ilanga leWorkers Day ngoLwesihlanu liza ngesikhathi inkulungwane zabantu ziqhubeka zilahlekelwa yimisebenzi njalo umnotho uqhaqheka ngamandla.

UNtungamili Nkomo weStudio 7 uxhume isikhulumeli seMDC uMnu Joshua Mhambi wagcizelela okunengi.

please wait

No media source currently available

0:00 0:01:34 0:00
Lapho esitholakala khona

XS
SM
MD
LG