Inhlanganiso yeWorld Food Program ithi inani labantu abalambayo eZimbabwe selikhuphukile njalo isikhuthaze inhlanganiso ezitshiyeneyo lamazwe omhlaba ukuthi zincedise ngokubadingela ukudla.
Embikweni esanda ukuwethula i-WFP ithi sokulabantu abafika izigidi ezine lenkulungwane eyodwa; 4.1 million abadinga usizo, oluzabiza amadola ayizigidi ezingamakhulu amabili-U$200 ezasetshenziswa kungxenye yomnyaka ka2020 kuphela.
Isiphathamandla salinhlanganiso eZimbabwe uMnu. Niels Balzer, uthi ukudla abalakho kuzaphela ngoMbimbitho ngomnyaka ozayo yikho bedinga ukuphathiswa.
Ukuhlaziya loludaba, sixoxa loMfundisi Useni Sibanda, isiphathamandla somanyano weZimbabwe Christian Alliance, yenaogcizelela ukuthi ngempela inengi labantu selilamba emadolobheni lemaphandleni.
