amalinks wokungena

Breaking News

UNkosikazi Winnie Madikizela-Mandela Kasekho


FILE - UNkosikazi Winnie Madikizela-Mandela ukhalela umuyi uMnu. Nelson Mandela ngomyaka ka2013.

Owayesaziwa ngokulwela umbuso okhululekileyo kweleSouth Africa uNkosikazi Winnie Nomzamo Madikizela-Mandela kasekho.

Umcebisi kamufi, uNkosikazi Zodwa Zwane wethule umbiko othi uMadikizela-Mandela, obeleminyaka engamatshumi ayisitshiyangalombili lanye, 81, ubhubhele esibhedlela eJohannesburg ngoMvulo ntambama.

Umufi wayeyinkosikazi kamuyi uMnu. Nelson Mandela, owayelwisana lombuso wobandlululo owe apartheid kweleSouth Africa, njalo balabantwana abababili, uZindzi loZenani, kanye labazukulu.

UNkosikazi Madikizela-Mandela wake wathwaliswa amagabha avuzayo nguhulumende wabamhlophe njalo wabotshwa ngomnyaka ka 1969 esetheswa icala lokuzama ukugenqula umbuso wabo.

Ngomnyaka ka 1991 watholakala elecala lokuthumba lokubulala osakhulayo uStompie Seipei, encedisana leqembu leMandela Football Club.

Wehlukana loMnu. Mandela ngomnyaka ka 1996 ngoba ebikwa wayevele ethandana lelinye igqwetha ahlangana lalo umyeni wakhe engakakhululwa entolongweni.

UMnu. Walter Nsununguli Mbongolwane, ingcwethi ecubungula ezombusazwe uthi kunengi okubukekayo okwenziwa nguNkosikazi Madikizela-Mandela.

please wait

No media source currently available

0:00 0:02:31 0:00

Facebook Forum

XS
SM
MD
LG