amalinks wokungena

Breaking News

KuWoza Friday Liviki Silembongi uBongani Ncube


Imbongi njalo engumculi uBongani Ncube
Imbongi njalo engumculi uBongani Ncube

Kuhlandla le Woza Friday liviki uBenedict Nhlapho oweStudio Seven ulilethela idlalade lenkondlo elitsha njalo lingela kuqala elivela kumbongi yeZimbabwe uBongani Ncube.

Leli dlalade alithe igama elithi War of Peace, selithathekise abanengi kweleSouth Africa.

UBongani odabuka koZimnyama ePlumtree, waziwa ngabanengi ngenkhondlo yakhe ethi "Sibhace ezizweni lapho awuhlaba khona awulawule ngempilo enzima ebhekane lezizalwane zeZimbabwe ezibhace emazweni atshiyeneyo ngenxa yendubo esisekhaya.

Khathesike useyethule idlalade lakhe elile nkondlo ezilitshumi lantathu elilesihloko esithi War of Peace kusitsho impi yokuthula.

Lezi inkondlo ziphezu kwendaba ezitshiyeneyo ezenzakala empilweni kazulu kugoqela ezothando, ezempi, ezokuthula lezombusazwe.

UBongani uthi uWar of Peace lidlalade elihlose ukukhuthaza ukuthi kuphilwe ngokuthula kungabi khona ohlukuluza abanye.

Zinengi inkondlo ezithathekisayo kuleli dlalade njengo “Basize” zafakwa lamachacho ukuze zinambithe. Ezithathekisayo zigoqela ethi “Lithuleleni”, “Bathethelele”, “Zwelihle”, “Thando”, “Lingakhohlwa” lezinye.
UBongane uthi ayikho into engamthokozisa okwedlula ukuthi ngelinye ilanga iZimbabwe layo kube lilizwe elingabalekelwa yizizalwane zalo kodwa wonke umuntu azigqaje ngalo.

Alandelana eselekana amathalenta ale insizwa. Ngo2008 isebenze labanye yethula idlalade elithi “Inkululendaba”, yabambisana labanye bethula ugwalo oluthi “Mhlaba awulaqiniso”, baphinda njalo olunye oluthi I”Zigigaba zakoNdongaziyaduma”.

Usebenze njalo lamaqembu amanengi ezokulingisa kantike uthi nxa ufuna idlalade lakhe leli kumbe ingwalo zakhe thintana laye kufacebook phansi kwegama lakhe uBongani Ncube uzizwele ubunandi bolimi.

Woza Friday: Imbongi njalo engumculi uBongani Ncube
please wait

No media source currently available

0:00 0:06:53 0:00
Lapho esitholakala khona

XS
SM
MD
LG