amalinks wokungena

Breaking News

Woza Friday: Idlalade Elitsha Leqembu leBakalanga


Iqembu lomculo ele Bakalanga

KuWoza Friday liviki kuStudio Seven, silethulela idlalade lomdumo weRhumba elivela kuqembu le Bakalanga elilesihloko esithi "Budzani Bamwe"., kusitsho ukuthi "Tshelani abanye".

Leli liqembu le Bakalanga lingene enkundleni ngengoma ethi "Hayitopa Kabili" kudlalade labo elitsha leli.

Livame ukwandisa inkulumo ezilohlonzi engomeni zalo leli qembu elibunjwe ngomnyaka ka2011 ngamajaha amabili, uJefrey Dube lo Brain Ndebele.

UBrain uthi ngemva kwamadlalade abo amabili u"Lateuka" lo "Dama linobaka" sebecabange ukuthi bathi "Budzani bamwe".

“UBudzani bamwe kuyabe kuyalwa laphana ukuthi awutshele abanye lawe ukuthi kuhamba njani. Sibuye sibe leyinye engu namba 2 laphana. Uyabe kungumuntu olaya umfazi wakhe ukuthi njengoba wangithola ngilomntwana engilaye, ngicela ukuthi ungambandlululi kwabanye abantwana. Umthande njengoba uthanda abanye abantwana bami. Imessage inengi ikakhulu ikakhulu eyesiKhalanga laphana abantu basazobhema bakholwe”.

Leli dlalade lilengoma eziyisikhombisa kanti zonke ziqukethe amazwi aqatha kakhulu ngolimi lweSikhalanga. Kulo Uma wenzenje, Mositi Mondida, Ulesono lo Muka nebamwe.

UBrain uthi bathethe isikhathi sabo bazipheka zavuthwa busu lezi ingoma bengajahe lutho.

“Sizama ukuthi ngayo yonke indlela sihlangane ngalokho abantu abakufunayo. Ngendlela elihamba ngakhona, ngendlela eliphume ngakhona, ngijabule kakhulu and abalandeli labo bayasifonela njalonje besithi hayi lapha madoda litshayile, lemessage angikhoni ukulikhipha nxa ngilidlala emotweni, ma ngilidlala kuradio yami aliphumi ngidlala lina njalo”.

Baphume enkundleni ngengoma yowesifazana othi “Selibadlale kwenela bafana, abantwana babantu manje kimi lifice imbila zithutha”.

Woza Friday: Iqembu lomculo weRhumba ele Bakalanga
please wait

No media source currently available

0:00 0:05:40 0:00
Lapho esitholakala khona

XS
SM
MD
LG