KuWoza Friday liviki uBenedict Nhlapho ulethulela umculi weRhumba uNqobani Ndlovu odume ngelithi Msunduzwa enguye njalo umkhokheli weqembu lakhe le Quality Super Stars.
Kudlalade leli elithi Nomazulu lapha uMsunduzwa ukhuluma ngentombi yakhe uNomazulu eyanyamalala esayithanda, kanti okwamanje useyidinga ezintabeni lezintatshaneni esithi buya Nomazulu.
Nhlapho: Siyakwamukela ehlelweni lwethu lweWoza Friday lamhlanje. Akuziveze kubalaleli.
Msunduzwa: Igama lami ngingu Nqobani Ndlovu. Ngiqhamuka eTsholotsho ePhelandaba. Yikho lapho engizalwa khona. Iqembu engikulo yi Quality Super Stars.
Nhlapho: Manengi kakhulu amadlalade eRhumba esesiwazwile. Lelike elakho lehluke njani kulawo?
Msunduzwa: Ma ulithengile awungeke uzisole. Ingoma ezikhona lapho zimnandi kakhulu. Zikhona ezothando, zikhona ezinye esibona khona izinto ezenzakalayonje emhlabeni siphilanje. Lomlayezo ukhonanje siyawuthumelanje ebantwini, umlayezo ukhona kakhulu kuleli iCD lethu.
Nhlapho: Kesizwe le ingoma elandelayo.
Nhlapho: Kuzwakala ziphekwe zavuthwa busu iziginci kuleli dlalade. Akusitshele ngazo.
Msunduzwa: Ezigincini hayi sihlukile kakhulu, sihlukile kakhulu. Iziginci zethu nomanje ulithengile ziyajayiveka ingoma zakhona. Ngaleyo ndlela ofuna ngakhona nawe.
Nhlapho: Akusitsheleke ukuthi ulibona njani ikusasa lenu njengeqembu?
Msunduzwa: Thina ikusasa lethu silibona liyikusasa elizoba kahle ngokuhamba kwesikhathi. Ukuthi lakhona ngabe ilizwe lakithi likhuphukile ngabe siyatsho ukuthi hayi yithi esiyabe si operator laphana kuRadio 2 eZimbabwe.
Nhlapho: Nantuke olunye uluju lwaleli qembu.
Nhlapho: Athini amazwi akho kubalandeli bakho?
Msunduzwa: Into engiyicela kakhulu kubalaleli lakubalandeli yikuthi hayi, siyacela lisisapote kakhulu lithenge ama original bengathengi lawa athetshelwayo lawa atholakala emgwaqweni ngama 10-10. Sicela kakhulunje ukuthi hayi besisupote kakhulu.
Nhlapho: Babuthola njani ubunandi lobu elibuphetheyo labo ababufunayo?
Msunduzwa: Ya sitholakala kufacebook. Ukhona uDescent Sibanda onguye engibambisane naye kwezomculo, ukhona kufacebook ubizwa ngomakhwapheni. Ngikhona mina uMsunduzwa Ndlovu kufacebook. Lenumber zethu zikhona lapho kuCD lakufacebook siyaye sizifakenje. Ungasifonela uthole iCD.
Lo bekungu Msunduzwa leqembu lakhe leQuality Super Stars. Baphuma enkundleni ngayole ethi Nomazulu.