amalinks wokungena

Breaking News

Woza Friday SilaBafana BakaMzilikazi


Iqembu lomcullo kaMaskandi elizibiza ngokuthi "Abafana BakaMzilikazi"

KuWoza Friday liviki sileqembu lomculo kaMaskandi elizibiza ngokuthi "Abafana BakaMzilikazi". Lezi insizwa sezibuye zethula elinye idlalade elithi "Intandane" kantike bathi luluju oludliwa umuntu ebotshelwe.

Ngesikhathi lezi insizwa zibumba iqembu Labafana BakaMzilikazi ngo 2010, bakhona ababesithi ngumlilo wamaphepha ozathi yanga yanga nje kube sekuphelile.

Lelike sekulidlalade labo lesithathu kukantike liveza khona ukuthi lowa mlilo wamaphepha usephenduke owesgodo sombondo.

Kazizange ke ziye esikolo sezomculo lezi insizwa ezaqoqwa nguDoit Nkomo, kodwa kibo umculo yinto abakhula isegazini.

Ilunga laleliqembu uBongani Ndlovu uthi nxa bethi "Ntandane" bakhuluma ngentandane ezikhula ngezigamba, zisidla ngokugalila emzini, besithi kaziqinisele ngelinye ilanga uMvelingqangi uzazihawukela.

Lelidlalade lilengoma ezilitshumi lantathu kukanti zonke zethula amagama aqatha okulaya, ukukhuthaza, ukuhlekisa lokuzijabulelanje umuntu ezigidela.

Kuzintombi lamajaha ikhona ethi Iyogana kanjani, kwabakholwayo bathi Inzima lendlella, kukanti abamasiko labo bayaxwayiswa ngesithembu.

Ikhonakele ethi ukufa, lapho uDoit kaNkomo athi uveza inhliziyo yakhe edabukileyo ngomnwawakhe uLindokuhle owabhubha basala bethithibele bengazi ukuthi kwenzakeleni.

UBongani uthi ngendlela umculo wabo othakazelelwa ngayo kabathandabuzi ukuthi udumo lwabo luzaze luyefika phetsheya kolwandle.Baphumake enkundleni ngayonale ethi intandane kantike bathi nxa ufuna ukuzitholela lobu bunandi thintana labo kufacebook egameni labo elithi Abafana BakaMzilikazi.

Woza Friday: Iqembu le "Abafana bakaMzilikazi "
please wait

No media source currently available

0:00 0:05:53 0:00
Lapho esitholakala khona

XS
SM
MD
LG