KuWoza Friday liviki silabafana beCross Dete Sounds, bona asebethule idlalade labo lesithathu elithiwa “Makhala Njalo.”
Lelidlalade lilengoma eziyisithupha njalo zonke ziphekwe okwezinga laphezulu.
Ikatali bayayiqumbaqumba kamnanjana kuthi ingungu layo bayihlakaze sengathi ingadabuka.
Kungoma ethi “Umthandazo”, abafana beCross Dete bakhala ngabadlwenguli kanye lezimpi abathi zilakho ukudiliza umhlaba.
Umkhokheli waleliqembu uPromise Mnkandla uthi ulobe ngomonakalo okhona emhlabeni, sokudingakala isandla sikaNkulunkulu.
Kwethi “Ubokhuzwa Ulalele” umfoka Makhabo leqembu lakhe bakhala ngehlongandlebei.
UMnkandla uqale ukuhlabela ngo2011 njalo uthi njengomculi osacathulayo, ucela uxhaso kubalandeli ukuze agxile impande abe ngumhlabeleli olosekelo olunengi.
