WASHINGTON DC —
Kuhlelo Woza Friday liviki siloMartin Sibanda ehamba leqembu lakhe leNdolwane Super Sounds bephethe idlalade labo elitsha elilesihloko esithi ‘Uyavuma.’
Besesiside isikhathi iqembu leli lithule, kodwa uMartin uthi bebenyamalele nje bepheka loluluju.
Idlalade leli lilengoma eziyisikhombisa ezigoqela ethi 'Amanxeba' lapho uSibanda akhumbula khona ingqwele yeNdolwane Super Sounds uAbson Ndebele, obhubhele engozini yemota ngo2007.
Ezinye zibalisa ethi 'Ndomukumbudza,' 'Uyavuma,' 'Bakhohlisene,' 'Simbazwele,' 'Baphindile (Remix),' kanye lethi 'Bolingo yaMama.'
Ngemva kokutshona kukaAbson, uMartin wasala ecula lomunye njalo umkhokheli wewembu uCharles Ndebele beyiphethe iNdolwane Super Sounds kodwa basebesehlukana besiba ngabaculi abazimeleyo.
