amalinks wokungena

Breaking News

Woza Friday: Umculi Odabuka koBulawayo uNyasha Bothwell


UNyasha otshaya umculo ozothileyo.

Umdumo weAfro Soul uphuma mnandi njalo uzwakale uhlabusa nxa uculwa ngumuntu olelizwi elilolongekileyo.

NgoLwesihlanu sithe sizwe umdumo opholileyo ovela kumhlabeleli osakhulayo kodwa oselodumo olukhulu koBulawayo

"Ibizo lami ngingu Nyasha Bothwell, ngazalelwa emakhandeni koBulawayo, ngaqala ukuhlabela ngile 7 years njalo ngazalelwa emulini elabantwana abangu 4, mina ngiyisicino. So ngiyahlabela njalo ngiyatshaya iguitar".

Kulezinsuku kulengoma ezinengi ezihlatshelwa ngabahlabeleli abanengi abatsha ikakhulu inengi lithanda ihip hop, ihouse ledance hall kodwa uNyasha yena wangena kumdumo otshiyeneyo.

"Umhlobo wo music engiwenzayo kuthiwa yi Afro Soul kumbe iAfro Pop. The reason why ngayikhetha yikuthi ngiyayithanda njalo yiyo eyangikhulisayo cause ngakhula ngilalela abantu be Soul Music abanjengabo Brian McNight so mina now sengihlabela ngesiNdebele"

Ukucula umdumo onje akulula, kumele ilizwi lakho lilolongeke. UNyasha ngaphandle kwengoma zaphetsheya kukhona owamenza waba lomdlandla wokuhlabela kwelakibo.

UNyasha ngumculi osathuthukayo odabuka kwele Zimbabwe.
UNyasha ngumculi osathuthukayo odabuka kwele Zimbabwe.

"Abantu abangenza ngathanda ukuhlabela ngabantu engakhula ngibalalela eChurch ikakhulu abantu abanjengabo Eric laboMkhululi Bhebhe asebekuJoyous khathesi but ngokuya ngokuya ngasengilalela abantu abanjengabo Lovemore Majaivana labo Oliver Mtukudzi yibo futhi abangenze ngathanda kakhulu umculo owesintu njalo utshaya iGita."

Umculo kaNyasha olohlonzi. Ulamadlalade amangaki uNyasha njalo bawuthola ngaphi umculo wakhe?

"Okwakathesi ngiledlalade elilodwa okuthiwa nguGita, abantu bengalithenga kuinternet kuSound Cloud noma bengithinte kunumber zami engazifakayo kuma social media platforms ami anjengabo Facebook labo Twitter."

UNyasha laye njengabahlabeleli abanengi beZimbabwe ukhala ngokuthi ingoma zabo azitshaywa emsakazweni njalo uzulu kabasekeli ngokuthenga imculo yabo kumbe ukuza emcimbini abayenzayo.

Woza Friday: Umculi uNyasha Bothwell Uxoxa loEzra Tshisa Sibanda
please wait

No media source currently available

0:00 0:05:55 0:00

Facebook Forum

XS
SM
MD
LG