amalinks wokungena

Breaking News

Woza Friday: Liviki Silo PK Nkomo Leqembu Lakhe leNapolo Express


Umculi uPK Nkomo

Kuhlandla leWoza Friday liviki uBenedict Nhlapho uliqhunsela ingoma zeRhumba ezivela kudlalade elitsha lika PK Phakamani Nkomo leqembu lakhe ele Napolo Express besithi 'Hamba Sgubudu'.

Le yinsizwa yaseHuvuluma ePlumtree uPK Nkomo leqembu lakhe le Napolo Express besithi Sponono sami nxa ngikuthi tshazi kuqhuqhinhliziyo ngigodole emathanjeni ngenxa yothando.

Kapheleli laphoke uthi ke nxa ulokungidlisa lahlukhezo uhle uze lawo ngefotsholo umuthi wakho.

Yangena sakudlala linsizwa kwezomculo, incedisa abaculi abafana lo Allen Ndoda, Ndux Junior, Modus Chauke, Insindizo yamanazaretha, Alfred Mangena kanye loMadala Boy phansi kwe PK Promotions elokhe ikhula isiyaphambli lalamhlanje.

Utheke ngokuthenga eyakhe imitshina yokucindezela imiculu ngo 2012, waseqala ukufikelwa yimicabango yokupheke zakhe, kantike yizo lezi esezize zavuthwa lonyaka ezikule imbiza ogama layo kungu Hamba Sgubudu.

Ayakhulumake amagama azo zonke zoyisikhombisa ezikulelei dlalade. Kukhona ethi Umona, kuze u'Hamba Sgubudu', ilandelwe nguSponono sami, besekusiba nguGama lami, kuze uThemba lami yenake owelanywa nguKwakhala Nyoni besekusiza icinathunjana u Asibambaneni.

Iqembu leNapolo ke lona lithi isivele yasuka yahlala ngaleli dlalade labo lakuqala, kantike iphupho labo ngelokuthi babelesabo isitebele sezomculo esizamisana lamagama amakhulu aziwayo afana laboKalawa, oGallo labanye abanjalo. Baphumake enkundleni ngale ethi yekela umona ngoba ungaphikelela uzafuhlupheka.

XS
SM
MD
LG