amalinks wokungena

Breaking News

Woza Friday: Silomculi uThomeki Dube Osethule Idlalade Elitsha Elithi "Ulungile Jesu"


Thomeki Dube

Liviki kuhlelo lwe Woza Friday intathelizindaba yeStudio Seven uJoseph Njanji usethulela ingxoxo ayenze lomculi wengoma zokholo uThomeki Dube yena osanda kukhipha idlalade lakhe lesithathu elilesihloko esithiwa "Ulungile Jesu" esiqunsela njalo lengoma zakhe.

UThomeki Dube waziwa kakhulu njengomunye wabakhokheli beqembu elicula umculo wembube ele Black Umfolosi njalo abanengi bamazi ngengoma ethi "Ntofontofo" yona eyaduma kakhulu kweleZimbabwe eminyakeni edluleyo eyayikhuluma ngentombi eyisidudla mafotofoto.

Umfoka Dube uphinda njalo ecule ehamba yedwa lapho ayabe esecula khona ingoma zokholo njalo usekhuphe amadlalade amathathu selokhu eqale ukuncindezela ezimele yedwa.

Lawa madlalade ngathi elithi Ngenani Endlini, Moya Wami kanye lelisanda kuphekwa elithiwa Ulungile Jesu.

Idlalade leli elithiwa "Ulungile Jesu" lilengoma ezilitshumi lesithupha njalo ezinye zibhalwe nguye uDube kuthi ezinye zakhona zingoma ezivele ziculwa ezinkonzweni athe ukuzihlela kutsha.

Nansi eyinye yezingoma ehlelwe kutsha nguDube abanengi abakhule beyicula ezikolo ethi "Ekhaya uJesu sizombona".

UDube uthi idlalade leli elithiwa Ulungile Jesu yikufakaza kwakhe ngobuhle abenzelwe nguNkulunkulu empilweni yakhe ngoba umdali emqande wamvikela ebubini ngoba kulezilingo ezinengi emsebenzini wokuba ngumculi.

Ingoma ezitholakala kudlalade leli elithiwa Ulungile Jesu ngezigoqela ethi Ikhaya, Torompeta, Sizombona, Ulungile Jesu, Yes Lord, Hamba, Amacala, Malibongwe, Dwala, kanye leyamachacho kuphela eyeculo elithiwa Hamba kubekhona njalo leziyimbasela ezitholakala kumadlalade akhe akuqala ezigoqela ethi Phezulu, Ngenani Endlini, Usithethelele, Emasangweni, My Sins kanye lethi Hosana.

please wait

No media source currently available

0:00 0:09:40 0:00
Lapho esitholakala khona

XS
SM
MD
LG