amalinks wokungena

Breaking News

Woza Friday: Silomculi Osakhulayo uLady P


Iqembu leTribe Africa
Iqembu leTribe Africa

Liviki kuhlelo Woza Friday silethulela ingxoxo intathelizindaba yethu uJoseph Njanji ayenze lomculi osakhulayo uLady P yena oyingxenye yeqembu elizibiza ngokuthi yi Tribe Africa.

Iqembu le Tribe Africa liqalwe ngabasacathulayo kwezomculo injongo yabo kuyikuba bebumbe umanyano ozakwenza kube lula ukuba becindezele imisebenzi yabo beyiphakulele uzulu.

Laba bahlabeleli sebenelise ukukhipha idlalade labo elakuqala abalethe igama elithi The Journey Volume 1.

Idlalade leli elithiwa The Journey Volume 1 lilengoma eziyisithupha ezigoqela esivule ngayo uhlelo ethiwa Soyidl’imali yona eculwe ngu Sam 1 okunguye njalo ocule lethi Baxolele Baba kanye leyinye okuthiwa Take me high.

Ezinye ingoma ezitholakala kulelidlalade ngezigoqela ethiwa Siyabonga eka Lady P, ethi You did me wrong eka Miss Kelly kanye lethiwa Jump’amafence eculwe ngumhlabeleli owaziwa ngegama elithi Big Shot.

Otshaye amachacho kuzo zonke ingoma eziyisithupha ezitholakala kudlalade leli elithiwa The Journey Volume 1 yinsizwa ezibiza ngegama elithi TechnoFresh.

Abanye abaphatheke kulelidlalade ngabagoqela uJay 1 kanye lo Tera Bwoy.

XS
SM
MD
LG