amalinks wokungena

Breaking News

Woza Friday: Umculi Womdumo weHip Hop uZamoe Xbiss


Umculi womdumo weHip Hop uZamoe Xbiss

Kuliviki kuhlelo Woza Friday intathelizindaba yezemidlalo lokuzilibazisa uJoseph Njanji usethulela ingxoxo ayenze lomculi ohlabela ezomdumo we Hip Hop uZamoe Xbiss.

Umculi lo, uReward Ndlovu yena owaziwa ngegama lomsebenzi elithi Zamoe Xbiss udabuka eTsholotsho ko Mathe okuyikho lapho aqale khona isikolo kodwa uthe esethe hluthu wathutha wayahlala edolobheni lako Bulawayo elokitshini le Makhandeni. Uthi ezomculo uziqale ngo 2009 esehlala eJohannesburg kwele South Africa.

Lumculi uthi yena ucula ngezehlakalo adibana lazo empilweni yakhe njalo kungoma ethi Road to Success ukhuluma ngokubanjwa inkunzi akwenziwe ngomnyaka ka 2014 ngesikhathi esendleleni esiza ekhaya eZimbabwe evela eGoli.

Kweyinye ethi Push ukhala ngenkinga zokuba umculo wakhe utshaywe emisakazweni okuludubo olubhekane labaculi abasacathulayo ikakhulu abbacula umdumo we Hip Hop.

Okwamanje ingoma zalumculi zitholakala ebulenjini njalo labo abafuna ukuxhumana laye balakho ukumbamba ku Twitter, ku Instagram kanye laku Facebook.

Umfoka Ndlovu uthi isifiso sakhe yikuthi ngomnyaka ozayo umculo wakhe ukhule umemetheke lomhlaba wonke jikelele njalo lokhu ukubeka sobala kungoma yakhe aphuma ngayo enkundleni ethi Twenty16.

Woza Friday: Umculi womdumo weHip Hop uZamoe Xbiss
please wait

No media source currently available

0:00 0:04:34 0:00
Lapho esitholakala khona



XS
SM
MD
LG