amalinks wokungena

Breaking News

Woza Friday: Silomculi Womdumo weRhumba uChazani Banda


Chazani Banda
Chazani Banda
UChazani Banda uqale ukuzitholela uDumo ngokuba yinsizwa eyayisaziwa njengentshantshu kwezokugida ngabo 1990 phansi le komnyamubambili eNtoli ePlumtree. Lamhlanje linsizwa ithabe imanzi te njengoba isiledlalade layo lakuqala leRhumba elithi "Khuzwa Uzwe" elethulwe nguBanda Majayiva and Nyaje Senior Sounds.

Ungezwa esintwini usuphiwa igama lokuthi Majayiva, kusobala ukuthi isikokotsha esiphuma kuwe singangezwe. Leyinto efakazwa ngumculi weRhumba uChazani Banda.

Linsizwa ethwetshulwe yingwe esigabeni sakoNgobe, eNtoli ePlumtree yakhula isaziwa esigabeni sonke ngokugida sengathi ifikelwe.

Lokhu kugida akwenza waze waphiwa igama elithi Banda Majayiva, uthi laye nxa ecabanga ngezimanga ayezenza ugigideka yedwa aze azikhuze.

Ngemva kokuza eGoli ngo 2006 uMajayiva uthi akekho umculi ongazange amgidele.
UMajayiva uthi sekuze kwafika lapha asekhethe ukugida eziculela khona yikhonje eseyethule elakhe idlalade elithi Khuzwa Uzwe. Ezimunyethwe yileli dlalade zibalisa ethi uMaqondana, Hango, Khuzwa uzwe, Isiphiwo sami, Sihlobo, Ngowani lomdumo lale ethi ukufa.

UMajayiva uthi nxa ethi Khuzwa uzwe ulimukisa intsha yeZimbabwe eseGoli ukuthi itshiyane lemikhuba yokuthola imali ngendlela ezimbi badle izithukuthuku zabo njengawo wonke amadoda. Phezu kwakho konke uthi uthatshiswe yikuthi laye usezaze agide eziculela. Uthike akucela kakhulu kubalandeli bakhe loxhaso.

UBanda Majayiva uthi ungazitholela lobu bunandi emzini wakho nxa ungathintana laye kufacebook egameni lakhe uBanda Majayiva.

please wait

No media source currently available

0:00 0:06:22 0:00
Lapho esitholakala khona
XS
SM
MD
LG