amalinks wokungena

Breaking News

Woza Friday: Umculi Womdumo weAfro Fusion uMzoe7


Umculi womdumo weAfro Fusion uMzoe7

Kuliviki kuhlelo Woza Friday uJoseph Njanji weStudio Seven, ulethulela umculi womdumo we Afro Fusion uMzoe7 ledlalade lakhe elitsha eliphansi kwesihloko esithi 'Moougu Village'.

UMzoe7 uzalelelwe edolobheni lako Bulawayo ngomnyaka ka 1991 mhla ziyisithupha kunyanga kaMbimbitho.

Ezomculo uziqale ngomnyaka ka 2012 esebenza leTyce Records njalo ngomnyaka ka 2013 ukhiphe idlalade lakhe lakuqala elithiwa "Moogu Nation".

UMzoe uyenza njalo ezomceco njalo nguye owenza amakawuso abizwa ngokuthi Isikipa.

Nyakenye ukhiphe ingoma ethiwa 'I cry too' layo ekhethwe kumncintiswano we Zimbabwe Music Awards i ZIMA ngamafitshane ku Best Single.

Igama lika Mzoe7 elokuzalwa nguMzobanzi Mlauzi njalo abakibo badabuka elizweni leMalawi okuyinto athi imkhuthaza ukuba ahlanganise amachacho amanengi atholakala kuzwekazi laseAfrica.

Lonyaka uMzoe7 ukhiphe idlalade lakhe elitsha elibizwa ngokuthi "Moogu Village" lona elilengoma eziyisithupha ezigoqela ezithi; Dola – Bag, Cellfee/Sellfee, Dubai, Vuzu (ayicule endawonye lo Terry lo Pronix) kanye lethiwa Another Day.

Uphume enkundleni ngengoma yakhe ethiwa Vuzu yona ekhuluma ngamagigi asehluphile edolobheni lakoBulawayo esenziwa ngabasakhulayo.

Woza Friday: Umculi womdumo weAfro Fusion uMzoe7
please wait

No media source currently available

0:00 0:07:08 0:00
Lapho esitholakala khona

XS
SM
MD
LG