amalinks wokungena

Breaking News

Woza Friday: Silomculi weHip-hop uMsiz'kay


Umculi weHip Hop uMsiz'kay

Kuhlelo lweWoza Friday kuliviki silomculi wengoma zeHip-hop, uMsiz’kay.

Igama likaMsiz'kay lokuzalwa nguSizalobubhle Nkomo njalo uqale ezomculo ngomnyaka ka2010 lapho acindezele khona ingoma ethiwa "Recognition" esebenza loThe Vyrass.

Uthi ukhethe ukwenza umculo we Hip-hop ngoba uhambelana lenkondlo, zona athi ubezithanda kakhulu ngesikhathi esafunda.

Umculi weHip Hop uMsiz'kay
Umculi weHip Hop uMsiz'kay

UMsiz’kay ufundele umsebenzi wokubamba imali (accountant) eWalter Sisulu University kweleSouth Africa.

Abanengi bangabuza ukuthi kungani ekhethe ukuhlabela kulokwenza umsebenzi awufundelayo?

Uphendula lumbuzo kungoma yakhe ethiwa "Nguban’ ozokwenza".

Ingoma kaMsiz'kay ethi "Ngubani Ozakwenza"
please wait

No media source currently available

0:00 0:04:06 0:00
Lapho esitholakala khona

Osebenza loMsiz’kay enguproducer wakhe uSimbarashe Kodzai, oyaziwa ngelokuthi K.O.D, uthi uNkomo ulesiphiwo esimangalisayo ngoba esenelisa ukuloba ingoma ngokucwayiza kwelihlo.

Imisebenzi kaMsiz’kay iyatholakala enkundleni yeFacebook ebulenjini phansi kwegama elithi Msiz’kay.

Ikhona njalo kuTwitter @Msiz’kay kanye lakuInstagram ngaphansi kwegama elifanayo.

Eminyakeni edluleyo ingoma yakhe ethiwa "Secret" ibe yingxenye yedlalade leqembu leMoodFreaks elaseSouth Africa elithiwa Mummified.

Ezinye ingoma zakhe ezike zahlupha emisakazweni yeZimbabwe ngezigoqela ethiwa "Kade Nithetha," "Club Shutter" kanye lethi "Amafilimu."

Woza Friday: Umculi womdumo weHip Hop uMsiz'kay
please wait

No media source currently available

0:00 0:07:21 0:00
Lapho esitholakala khona
XS
SM
MD
LG