amalinks wokungena

Breaking News

Youth Agenda Trust: Ziyasilela Indawo Zokubhalisela Ukuvota eTsholotsho

  • Sithandekile Mhlanga

Inengi endaweni ezibalisa eMalanda, eNgena, lezinye alenelisi ukubhadala amadola ayisithupha ukugada ibhasi yokuyafinyelela eTsholotsho Centre.

Inhlanganiso elwela amalungelo abatsha eye Youth Agenda Trust ithi inengi labantu elizweni, ikakhulu eTsholotsho esigabeni se Matabeleland North, liyehluleka ukubhalisela ukuvota ngenxa yezizatho ezehlukeneyo ezigoqela lokuthi indawo zokuqhuba lumsebenzi zimbili kuphela kulumango.

Inhlanganiso le ithi isanda ukuqhuba umhlangano eBulala Ngena eTsholotsho, lapho efumane ukuthi inengi labatsha emangweni we Malanda, eNgena, eMakodola, eSantamba, le Nembe alenelisi ukubhadala amadola ayisithupha ukugada ibhasi yokuyafinyelela eNkunzi kanye leTsholotsho Centre lapho okubhaliselwa khona ukuvota. Imota zokuhambisa kulezondawo lazo zibikwa zisilela ngenxa yesimo esibi semigwaqo.

UMnu. Trust Nhubu, isiphathamandla salinhlanganiso utshele uSithandekile Mhlanga we Studio 7 ukuthi kufanele ukuthi ngabe uhlelo lukahulumende olwemotha ehamba ibhalisa abantu eyeMobile Voter Registration soluqalisile ukwenzela ukuthi ontanga abasemaphandleni benelise ukubhalisela ukuvota eduzane lalapho abahlala khona.

please wait

No media source currently available

0:00 0:02:17 0:00
Lapho esitholakala khona
XS
SM
MD
LG