amalinks wokungena

Breaking News

Amalunga eZANU PF Alwisana Ngodaba LukaJason Machaya


Zanu PF Badge

Amalunga eZANU PF acatshangelwa ukuthi asekela umphathintambo wezemithetho, uMnu. Emmerson Mnangagwa abikwa ebanjwa ngamandla ukuthi asuse emthethwandaba udaba lokweyisa uMnu. Jason Machaya.

Amalunga ebandla le ZANU PF acatshangelwa ukuthi asekela umphathintambo wezemithetho, uMnu. Emmerson Mnangagwa abikwa ebanjwa ngamandla ukuthi asuse emthethwandaba udaba lokweyisa osanda kukhethwa ukuba ngumgcinisihlalo wesigaba senkababazwe, uMnu. Jason Machaya ngabanye babo.

UMachaya ucatshangelwa ukuthi usekela umsekeli kamongameli Mugabe, unkosikazi Joice Mujuru kudaba lozalandela uMugabe. UMachaya use udaba lolu emthethwandaba esethesa icala umka Mnu. Emmerson Mnangagwa, unkosikazi Auxillia Mnangagwa icala lokuzama ukuqilibezela kukhetho lwezigaba.

Abantu abase loludaba emthethwandaba bathi bafuna ukuhlawulwa imali engamadola ayizigidi ezingamatshumi amahlanu ezigabeni ezintathu kukhetho lwezigaba lapho abacatshangelwa ukuthi basekela uMujuru beyibo abanqobileyo.

Kodwa isikhulumeli sebandla leZANU PF, uMnu. Rugare Gumbo ulandule imbiko ethi uMnu. Mnangagwa engaba lethuba lokwelama umongameli Mugabe.

UMnu. Gumbo utshele uChris Gande weStudio 7 ukuthi ngaphansi kwesisekelo sombuso webandla leZANU PF, kulabane abangaba lethuba leli hatshi uMnangagwa.

please wait

No media source currently available

0:00 0:02:16 0:00
Lapho esitholakala khona
XS
SM
MD
LG