WASHINGTON —
Ibandla leZAPU lithi alizikhathazi ngokutshona kukaMnu. Robert Mugabe ngoba waphatha amalunga alo ngesihluku esikhulu esabusa.
Umongameli Mugabe utshone ngiviki edluleyo esibhedlela seSingapore lapho ayelselatshwa khona njalo umzimba wakhe ufile elizweni ngoLwesithathu.
Akukacaci ukuthi uzangcwatshwa ngaphi.
Umsekeli kanobhala jikelele walelibandla uMnu. Mjobisa Noko uthi amalunga ebandla lakhe awasoze aphatheke embuthanweni yokuvalelisa uMugabe.
Uthe umufi wabulala abantu abanengi eMatabeleland ngesikhathi seGukurahundi njalo wabangela ukubhidlika komnotho welizwe osokutshiye inengi lingabayanga.