amalinks wokungena

Breaking News

Azavula Yini Wonke Amafekitali Asevalele Ikhefu leKhisimusi?


Manengi abankampani akhangelelwe ukuthi kawasoze avulwe sokuphele ikhefu leKhisimusi.
Manengi abankampani akhangelelwe ukuthi kawasoze avulwe sokuphele ikhefu leKhisimusi.

Amafekitali amanye asevalelwe ikhefu leKhisimusi akhangelelwe ukuvulwa ngomnyaka ozayo kawasoze avulwe ngenxa yesimo esibi somnotho welizwe.

Lanxa iziphathandla zikahulumende lezimela izisebenzi zisithi inani lamankampani angasoze avule mangaki, ezinye izisebenzi ezikhulume leStudio 7 zithi zitshelwe ukuthi nxa zingathunyelwanga imbiko yokuthi ziphenduke emsebenini zingazihluphi.

Ngomnyaka ophelileyo umphathintambo wezabelo, uMnu. Savior Kasukuwere, wathi amankampani azavalwa ekele ukuvula azathathwa nguhulumende ngoba esithi avala ngenjongo yokususa uhulumende esikhundleni.

Ekuqaleni komnyaka ophelileyo kubikwa ukuthi kulamankampani angamatshumi ayisithupha lantathu avalwa ngekhefu leKhisimusi ehluleka ukuvula, okwabangela ukuthi izisebenzi eziyinkulungwane ezingamakhulu amabili zilahlekelwe ngumsebenzi.

Sixoxe lengcwethi kwezomnotho welizwe, uMnu. Bulisani Ncube, njalo ongusomabhizimusi, othi umumo ukhangelelwe ukuthi uzaba mubi kakhulu kwezamabhizimusi ngomnyaka ozayo.

"Akula bungcono obubonakalyo esingakhuluma ngabo ngoba umumo usumubi okukhulu kulalapho owawukhona ngesikhathi esifanayo nyakenye," kutsho uNcube.

please wait

No media source currently available

0:00 0:02:52 0:00
Lapho esitholakala khona

XS
SM
MD
LG