Ugatsha lukahulumende olubona ngezamanani olweZimStats luthi imali efunwa yimuli elabantu abahlanu ukuthi baphile kuhle ngenyanga ikhuphuke isuka ku$3,656 ngoLwezi yaya ku$4,188 ngenyanga edluleyo ngamadola eZimbabwe. Lokhu kutsho ukuthi imali le ikhuphuke ngesilinganiso sokulitshumi lane ekhulwini, i-14.5 percent.
Kodwa inhlanganiso emela izisebenzi iZimbabwe Congress of Trade Unions ithi ngokubona kwayo, imali le iqonge ngesilinganiso esedlula kakhulu esiqanjwe yiZimStats.
Inhlanganiso le ithi ngenxa yokukhuphuka mahlayana kwentengo yempahla, umndeni owodwa okwamanje udinga imali engafika kunkulungwane eziyisitshiyagalombili, $8,000 kusiya phezulu ukuze wenelise ukuthenga zonke indingeko zempilo ngenyanga.
UNtungamili Nkomo weStudio 7 uxoxa lonobhala jikelele weZCTU uMnu Japhet Moyo ngaloludaba.