amalinks wokungena

Breaking News

ZEC: Sebengabhalisa Abafun'kubona NgeReferendum


Uhulumende sememe bonke abafuna ukuzebona ngokuqhutshwa kwe-Referendum ukuthi babhalise kuZimbabwe Electoral Commission (ZEC) kanye logatsha lwezemithetho.

Kusaziso asethule ngempelaviki, uhulumende uthe inhlanganiso ezizimeleyo ezisebenzela elizweni kanye lezakwamanye amazwe kumele zithumele incwadi zazo kumqondisi wezokhetho uChief Elections Officer weZEC.

Uthi njalo abavela kwamanye amazwe bavunyelwe ukubhalisa becela imvumo.

Isaziso lesi siza ngesikhathi uNkosikazi Joyce Mujuru eveze ngoMgqibelo ukuthi amazwe afakela eleZimbabwe izijeziso zenotho kasoze avunyelwe ukuzebona ngokuqhutshwa kokhetho.

Ezinye inhlanganiso ezizimeleyo zithi zesabela ukuthi zilakho ukungavunyelwa ukuphatheka kukhetho lokwamukela loba ukwala ukwamukela isisekelo sombuso esitsha olwe-Referendum oluzaqhutshwa mhlaka 16 ngenyanga ezayo ekaMbimbitho.

Umgcinisihlalo weNango uMnu Effie Dlela Ncube uthi iZEC yiyo yodwa emele iphathe umsebenzi wokupha abafuna ukubona ngokhetho imvumo, hatshi ugatsha olubona ngezemithetho.

please wait

No media source currently available

0:00 0:03:01 0:00
Lapho esitholakala khona

Kunjalo nje, umahluli ohlaziya udaba lwe-Referendum olukhwezwe yinhlanganiso edinga ukulotshwa kwesisekelo sombuso esitsha esisuka kuzulu, eye National Constitutional Assembly-NCA emthethwandaba wazise ngoMvulo ukuthi uzakwethula isinqumo sakhe ngoLwesithathu.

INCA ifuna umthethwandaba ubambe uMongameli Mugabe ngamandla ukuthi adlulisele phambili ilanga lokwenziwa kokhetho lweReferendum.
XS
SM
MD
LG