amalinks wokungena

ZEC: Sesibhalise Abantu Abazinkulungwane Ezilitshumi Lanye

  • Ntungamili Nkomo

Ubuso bubonakala kanje emtshineni weBRV.

Ikhomishini ebona ngokuqhutshwa kokhetho ithi siyenelise ukubhalisa abantu abazinkulungwane phose ezilitshumi lanye, 10,999 abazavota kukhetho lomnyaka ozayo.

IZimbabwe Electoral Commission (ZEC) iqale ukubhalisa uzulu mhlaka 14 kulinyanga isebenzisa imitshina yamaBiometric Voter Registration kuhlelo oluphela ngoZibandlela.

Embikweni ewethulele intathelizindaba, ikomishini le ithe lanxa ekuqaliseni ibithatha isikhathi eside ukubhalisa umuntu oyedwa, kathesi isithatha imizuzu emihlanu kuphela.

Ithi umtshina owodwa wenelisa ukubhalisa abantu abaphakathi kwabangamatshumi ayisitshiyagalombili lekhulu.

Ikomishini le izaqala ukubhalisa umuntu wonke, okugoqela uzulu wemaphandleni, ngenyanga ezayo.

Umqondisi wenhlanganiso yamagqwetha ephatheke kuhlelo lokukhuthaza uzulu ukuthi abhalisele ukuvota ngobunengi, iAbammeli, uMnu. Tineyi Mukwewa, uthi umkhulu umsebenzi osamele wenziwe yiZEC nxa ilokubhalisa wonke umuntu.

Facebook Forum

XS
SM
MD
LG